Сумын 2024 оны тухайн жилийн газар зохион байгуулалтын төлөвлөгөөний

хэрэгжилтийн явцын талаар

 2024.10.20 өдөр

 

Сумын Иргэдийн төлөөлөгчдийн хурлын 2023 оны 12 дугаар сарын 18-ны өдрийн ээлжит 21 дугаар хуралдааны 04 дугаар тогтоолоор сумын 2024 оны тухайн жилийн газар зохион байгуулалтын төлөвлөгөө батлагдсан. Төлөвлөлтийн нэгж талбаруудын хэрэгжилтийг зориулалт тус бүрээр авч үзвэл:

1. Өвөлжөө, хаваржааны зориулалтаар 57 нэгж талбарын 17.5 га газрыг эзэмшүүлэхээр төлөвлөсөн байгаа бөгөөд газрын кадастрын мэдээллийн системийн шинэчлэлтэй холбоотойгоор иргэдээс холбогдох баримт материалыг бүрдүүлэн авч байна.
2. Бэлчээрийн газрын өөрчлөлтийг фотомониторингийн аргаар үнэлэх ажлыг 2024 оны 08 дугаар сарын эхний 10 хоногт багтаан хөдөөгийн 4 багийн 24 цэгт тогтсон аргачлалын дагуу хийж гүйцэтгэсэн. Судалгааны ажлын үр дүнгийн талаар дэлгэрэнгүй мэдээллийг https://egazar.gov.mn/analytics/dashboard/chart7n линкээр орж танилцах боломжтой.
3. Аялал жуулчлал, мод үржүүлгийн зориулалтаар тус бүр 1 га газрыг дуудлага худалдаагаар эзэмшүүлэхээр төлөвлөж Сумын Засаг даргын 2024 оны 05 сарын 01-ны өдрийн А/40 дугаар захирамжаар дуудлага худалдаа явуулах тов зарлагдаж 2024 оны 06 сарын 03-ны өдөр   газрын биржийн цахим систем /www.mle.mn/-р дамжуулан цахим дуудлага худалдааг зохион байгуулсан. Дуудлага худалдаа тус бүрд 2 иргэн оролцогчоор бүртгүүлж өрсөлдсөнөөс 5-р багийн Цахирт мод үржүүлгийн зориулалтаар 1 га газрын дуудлага худалдааны ялагчаар Т.Оюунжаргал, Эгийн голын зах Ужгын сайрны дээд талд аялал жуулчлалын зориулалтаар зарлагдсан 1 га газрын дуудлага худалдаанд Д.Цэрэнпунцаг нар тус тус ялагч болсон тул Сумын Засаг даргын 2024 оны 06 сарын 24-ны өдрийн А/68 дугаар шийдвэрээр газрыг эзэмшүүлсэн байна. Дуудлага худалдаатай холбоотой  дэлгэрэнгүй мэдээллийг     https://www.mle.mn/#/auction/list/all?subtype=null&province=15&disctrict=undefined&khoroo=null линкээр орж танилцах боломжтой.
4. Иргэдэд эзэмшиж байгаа хашааны газрыг өмчлүүлэхээр 25 иргэнд 1.75 га, гэр бүлийн хэрэгцээний зориулалтаар 22 иргэнд 1.14 га, Даргын халзанд гэр бүлийн хэрэгцээний зуслангийн зориулалтаар 2 иргэнд 0.14 га газрыг тус тус эзэмшүүлж өмчлүүлэхээр төлөвлөсөн боловч Хотын хөгжлийн ерөнхий төлөвлөгөө хийгдээгүй гэх үндэслэлээр Засгийн газрын 2024 оны 04 сарын 03-ны өдрийн 136 дугаар тогтоолоор батлагдсан Улсын хэмжээнд 2024 онд эзэмшүүлэх, ашиглуулах газрын хэмжээ, байршил,зориулалтын жагсаалт батлах тухай тогтоолд тусгагдаагүй тул тухайн онд хэрэгжүүлэх боломжгүй болоод байна.

Сумын тухайн жилийн газар зохион байгуулалтын төлөвлөгөөний талаарх зурган мэдээлэл болон байршилын талаарх дэлгэрэнгүй мэдээлэл авахыг хүсвэл egazar.gov.mn цахим сайтаар хандан харах боломжтой. Газар зохион байгуулалтын төлөвлөлт, газрын харилцааны үйлчилгээтэй санал хүсэлтээ доорх хаяг, утсаар ирүүлнэ үү.

Холбогдох утас: Газрын даамал П.Нямдорж 89526666

Email хаяг: alagerdene@khovsgol.gazar.gov.