АЛСЫН ХАРАА:

• Хүн амын нийгмийн эрүүл мэндийн боловсролыг дээшлүүлж,эрүүл дадал хэвшил бий болгох

         ЗОРИЛГО:

• Нийгмийн эрүүл мэндийн болон эрүүл мэндийн тусламж үйлчилгээг иргэн бүрт жигд хүртээмжтэй,орчин үеийн техник технологийн дэвшлийг ашиглан стандартад нийцүүлэн хүргэх

ЗОРИЛТ:

1. Эрүүл мэндийн багцын тусламж үйлчилгээг иргэн бүрт тасралтгүй хүргэх
1. Хүн амд чанартай,аюулгүй тэгш хүртээмжтэй,үйлчлүүлэгч төвтэй байх
2. Иргэн, гэр бүл,аж ахуй нэгжийн оролцоонд тулгуурласан нийгмийн эрүүл мэндийн тусламж үйлчилгээг үзүүлэх
3. Орчин үеийн технологийн дэвшлийг ашиглан нийгмийн эрүүл мэндийн тусламж үйлчилгээг үзүүлэх
4. Хөдөлгөөнт хүн амд үзүүлэх тусламж үйлчилгээний хүртээмжийг нэмэгдүүлэх

ТҮҮХЭН ЗАМНАЛ

               Алаг-Эрдэнэ сумын хүний эмнэлэг нь 1956 онд ганц эсгий гэрт бага эмч-1, сестра-1, санитар-1 гэсэн 3 хүний бүрэлдэхүүнтэй үүсгэн байгуулагдсан.

              1956 оны 10-р сард агуулах нэгийг барьж 1957 онд 4 тасалгаа бүхий барилга  барин 1957 оны 11-р сарын 13-нд ашиглалтад оруулсан байна.1956-1960 он хүртэл бага эмч Лхамсүрэн салбарын эрхлэгчээр ажилласан ба Сестра-1,эх баригч сестра-1, санитар-2, 4 ортой ажиллаж байсан. 1960-1965 онд больниц эх барих сестра-1, сестра-1, санитар-2, бага эмч-1, бригадын сестра-3 ажиллаж байлаа.Анхны суурийг сестра Пүрэвжав тавьсан бөгөөд дараагийн сестра-Цогнэмэх ажиллаж анхны эх баригч сестра нь Цэдэнбалжир,Сугар, Аюуш нар ажиллаж байжээ. Дараа нь эх баригч сестра Халтар, Доржпагам, Даваасүрэн, анхны асрагч Нямгаа, салбарын эрхлэгчээр 1965 оноос Түмэн-Аюуш, сестра Сосорбарам, асрагч Михлай, Цэдэнбадам, сестра Халтар, бригадын сестра Баяр, Пүрэв, Цэрмаа нар ажиллаж байв.

 

        2008 онд шинээр Эрүүл мэндийн төвийн барилга ашиглалтад орж нутаг дэвсгэрийн 5 багийн 3300 гаран хүн амд эмнэлгийн болон нийгмийн эрүүл мэндийн тусламж үйлчилгээг үзүүлж байна.